سوالف مودي

إممممم أأأأأأ أوووووووف أنا عارف إن أوّل سطــر صعب ماش عيـّا يطلع الكلام ... بس لامشى أول سطر أنفقعت عين الشيطان ومشى الوضع
( من اللحين أي إقتراح بتقترحونه تراه زي وجهيكم ) <----- داخل بعونف

عندي حالــة غريبة تجيني كل سنــة ماش عجزت في هالحالة وش أســوي بها جربت كل الطرق المشروعه والغير مشروعه لكن ماش مافيه أمل
راجعت دكتــور نفساوي وأنبطحت على الكرسي وجلست اشرح له بعد ست ساعات شرح قمت من الكرسي وصحيت الدكتور من النوم قال شــوف ياإبني انا ممكن أتفلسف عليك شوي وأعطيك كم نصيحة على كم علاج لكن بصراحة وبكل مصداقية أنت حالة ميؤوس منها خنقتني العبرة قلت لعنبوا إبليسك طيب جامل قل يمكن قل حاول
قال لالا ســـدئــني يابني إغسل إيدك

طلعت من عند الدكتــور حكيت راسي علني أطلع بحل وبعد حكة سريعة طلع لي شيطان أمــرد جبار أهبل من شعري قال شوف يافوفو (يدلعني ) أنا متابع لحالتك شخصيا من بدايتها وفاهم ظروفها وكل تفاصيلها وانا جايك بالحل يابعدي
قلت تكفى إلحقني به
قال شوف ياابني صدقني انا متبني قضيتك وقضية ناس كثير مثلك اللذين ظلوا ومازالوا في خضم ...
قلت أقول لايكثر انت ووجهك بتخطب ؟ اخلص وعطني الحل
قال شوف يافـوفو أنت مالك إلا ...... ( في هذي اللحظة فغرت فمي وصب عرق جسمي وأنشدت أعصابي .. )

.
.
.
.
.
انت مالك إلا تنتحر
أووووووووووووووووع (صوت فرامل السيارة ) إنزل لابارك الله فيك انت وشورك اللي زي وجهك وتعال صفقني لالقيت حد يوديك البيت
ويرد علي هد اعصابك يافـوفو ماتوصل انك تنزلني من السيارة وين العيش والملح
أي عيش وملح أقول إنزل انا الشرهة علي اني عطيتك وجه
المهم بعد مانزل ثلاث شياطين لهم وزنهم في شوشتي قدروا يحلون الخلاف وينهون المشكلة
بديت أنا وياهم نتجاذب أطراف الحديث (تراني ماكتبت الموضوع الا عشان هالجملة ) وبدا كل واحد منهم يشور علي بالحل
واحد منهم قال أفصل من الدراسة والثاني قال أصدم الهندي اللي ساكن جنب بيتكم ( مدري وش دخل أمه بالمشكلة بس شكله حاقد عليه ) وفيه واحد قال أنا أقترح تنزل السوق ترقم (شيطان مراهق )
المهم كثر الحديث وكثر اللغط وكثرت الاقتراحات اللي أدت بالنهاية الى ملاقطة سريعه بينهم مما أدى إني نزلتهم كلهم من السيارة هالسمرمد المصلحجية



أخذت كم فرة بالسيارة .. عطيت المسجل صوت .. جبت ملقاط وجلست ألقط شتات أفكاري المتناثرة .. وش الحل طيب ؟ أكيييييييد فيه حل طيب نجي نمسك المشكلة من الأول قبل سنة ؟ سنتين ؟ لا لا خلنا نطلع المكوم كلــه ونجيب السالفة من البداية !


يتبع ... واحد يسمع بالاثارة والتشويق



خاتمة ( إن كنت صاحي بعيوني أشيلك .... وإن كنت خبل فالله يعين أمــك عليك )
<--------- سلامات


لاحــد يقول وش يبي ذا .. مالي دخل كمبيوتري وأنا حـــــر


إيوة نسيت اقولكم رحبوا بي تراني جديد :cupidarrow:


برررررررب