سوالف مودي

ماابيه يقولي افتحي قلبك ودوسي على جرحك وصارحيني
أخاف انه يشيل همي زود على همومه
شفته يكتب بالاوراق أبيها تجيني وعن اللي بداخلها تحاكيني
أبيها لافقدتني تسأل عني تقول وش أخباره وش علومه
رميت بالاوراق وخفت لاكمل وحسيت بالدنيا ماتدانيني
حرام أتعذب وأعذب معي مسكين يبيني اكون قريبة من روحه
يحس فيني ويتألم ووده عن عيون الناس يباريني
بصراحه عجبني فيه طريقة حبه واسلوبه
أبيه يرتاح ودي أعلمه إن قربه حتى همي ينسيني
أبيه يفهم وش لون لاصرت معه احس اني عليه محسوده
ومرت الايام والتقت عينه يعيني وحسيت انه يناديني
ورحت له والحيا كاسيني وقلت بلهفة الشوق انا موجوده
رد علي وقال افهميني ترى حياتي بدينك تكفين لاترديني..
فديت قلبك فديت عيونك السوده
فديت الدمعه اللي جرح هدبك فديته اللي أعياني
فديت اللي لابغى يعذبني عذبني بصدوده
حرام تتركين اللي عشق همسك لاصار بشوقه يناديني
تركتيني وروح العاشق بجد تحتاجك يابعد روحه
ترى الدنيا بلياك تضيقها لوعاتي والشوق فيني وأحزاني
أملت نفسي وقلت فيك هي موعوده
والحين أنا جيتك ومحتاجلك دخيل الله لاتخليني
وقتها انعقد لساني وملاني الصمت دقايق معدوده
بعدها لامست بيديني يمناه وقلت له دام العتب يريحك يالله عاتبني
خلني احمل عذابك وأحمل ماضيك وجروحه
شفت ياقلبي بالاول حسبت انه بشيل زود على همه همومي وأحزاني
لقيت نفسي أشيل همي وجروحي زود على جروحه
خله يعرف الحب وش سوا بي بفديه بعمري مع ان العمر فاني
بشيل هموم ذا الدنيا وبسهر ليلي لعيونه
يكفي انه لاقال مرتاح كانه يده تمسح على جرحي كانه يداويني
ولابدا يوصفني زاد من غروري كلامه وجنونه
أموت واحيا لازعلني وجاني مكسور يبي يراضيني
ماحسبت حساب افتنه وتصير عينه فيني مفتونه

......يزعلني ويراضيني.......