 الإهداءات |
 |
|
|
LinkBack | أدوات الموضوع | إبحث في الموضوع | انواع عرض الموضوع |
منذ /05 Dec 2009, 03:16 PM
|
#1 | |||||||||
|
مودي جديد
|
مش كل بطاطس يتقاللها بانيه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ازيكو ..كلكوا على بعضكوا...اتعشم تكونوا بخير النهاردة انا جايبالكم طريقة لذيذة جدا لعمل البطاطس البانيه...طبعا كلنا عارفينها....معقولة مش عارفينها!!...اللى بتتعمل شرايح مسلوقة !!!...وبتتقلى فى الزيت مع الدقيق !!!...هااه...عرفتوها...طب الحمد لله ...المهم شوفوا الطريقة دى وكل واحدة شافتها تعملها وتقوللى رايها....ملحوظة ..أنا غير مسؤلة عن الغلطات اللى ممكن تبتكرها أى واحدة مبتدئة فى الطبخ..المهم عشان ما اطولش عليكوا الطريقة اهه:[/center] 1- نجيب البطاطس ونسلقها كويس . 2- نهرس البطاطس بالهراسة لحد ما تبقى ناعمة خالص ....خالص. 3- نحط عليها الملح والفلفل الاسود وممكن شطة لمحبى الحوادق. 4-نكور البطاطس أو نعملها باى شكل تحبوة صوابع ...كور..شرايح مبططة..اللى تحبوه. 5 -نجهز بيضة او اتنين حسب كمية البطاطس ونحط عليهم شوية ملح بفلفل بس صغنطتين خالص.. 6 -ندهن البطاطس بمخفوق البيض اللى عملناه من شوية . 7- نغطى البطاطس بخلطة الفيجيتار المعروفة ...على حسب النكهة اللى تحبوها ...ممكن لمحبى الحوادق يستخدموا الخلطة الحارة ..هتبقى تحفة ...على فكرة انا من محبى الحوادق!!!! 8-نقدح الزيت اللى هنقلى فية كويس اوى..... بس عندى شوية ملاحيظ على حكاية الزيت دى لان هيا دى المرحلة الفاصلة فى الاكلة كلها ...لازم يكون الزيت متسخن كويس ومغطى البطاطساية كلها ...طبعا هتسالونى ليه ؟؟ ...اقولكم ...لو ما حصلش اللى انا قولت عليه ممكن قشرة البطاطس تتفكك او البطاطساية كلها تفك فى الزيت لكن عشان الخطوة المحبطة دى ما تحصلش يا ريت يكون الزيت مقدوح كويس ومغطى البطاطس على آخرها...ولو يا ستى عايزة تعملى فيها ناصحة وما تحطيش زيت كتير ممكن تقلى البطاطس فى طاسة تكون ضيقة وحرفها عالى ...بكدة هتكون البطاطس متغطية كويس من غير ما نستعمل زيت كتييييييييير. 9 - خلاص يا جماعة هانت....هنقلى البطاطس فى الزيت ونطلعها لما يبقى لونها دهبى و نسيبها تصفى الزيت ...عشان تبقى مقرمشة. [center]و بالهنا والشفا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
|||||||||
|
|
منذ /08 Dec 2009, 02:53 PM
|
#2 | ||||||||
مودي مبدع
|
|
||||||||
|
|
|
منذ /28 Apr 2010, 11:15 AM
|
#3 | |||||||||
|
مودي جديد
|
|
|||||||||
|
|
|
| الكلمات الدلالية (Tags) |
| بانيه, بطاطس, يتقاللها |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
 الإعلانات النصية |
|||||
المسبحة
العرض العادي
